porriño

O Centro de saúde do Porriño viviu varias xornadas sen persoal médico polas tardes. Esta situación provocou que a oposición, en bloque, lle solicitase ó goberno local a necesidade de esixirlle á Xunta de Galicia máis persoal médico. O goberno de Alejandro Lorenzo bloqueou calquera posibilidade de esixirlle á Xunta de Galicia máis recursos.

Teresa de Jesús foi asasinada o pasado 29 de xullo de 2025, mentres desenvolvía o seu traballo como auxiliar do Servizo de Axuda no Fogar do concello na parroquia de Atios. Este feito evidencia os gravísimos riscos para a integridade persoal aos
que se expoñen as traballadoras do SAF do Porriño.

Dende o BNG consideran inxustificada a coincidencia reincidente de contidos entre as publicacións nas redes sociais do Concello e as privadas de Alejandro Lorenzo. Recórdanlle ó alcalde que os servizos municipais de comunicación están para promocionar O Porriño, non a ningunha persoa en particular.

Dende o BNG do Porriño, festexan que o equipo de Balonmán do Porriño galeguizase o seu nome. Só botan en falta que non aproveitasen para facer uso da toponimia oficial, pois o topónimo do noso concello inclúe o artigo, O Porriño.

No último pleno, o BNG presentou unha moción para solicitarlle ó concello a apertura dun expediente de investigación ó Grupo Couceiro S.L.U. Éste buscaría coñecer os motivos do último incendio en maio e da reincidencia deste tipo de incidentes nas naves da empresa.

O soterramento da vía do tren que pasa pola vila do Porriño é unha vella reclamación do BNG. Dende hai máis de 10 anos, a forza nacionalista vén esixindo un proxecto ambicioso que non hipoteque o futuro urbanístico da vila.

No último pleno, o BNG do Porriño solicitou un acordo para instar a Xunta de Galicia a crear unha Valedoría de Igualdade e un Consello Municipal da Muller no Porriño. O debate valeulle á forza nacionalista para denunciar a xestión do PP: neglixente, sen diálogo e que só busca propaganda.