No último pleno, o BNG no Porriño conseguiu o compromiso de que as asociacións vencelladas coa loita feminista asentadas no noso municipio poidan contar cun local propio municipal. A abstención do PP fixo que a moción saíse adiante. Dende a forza nacionalista esperan que esta vez o alcalde Alejandro Lorenzo cumpra o acordado en sesión plenaria.
Alejandro Lorenzo continúa negándose a abordar calquera revisión dos feitos que rodearon a morte da traballadora do SAF, Teresa de Jesús, acontecida este verán. No pleno do mes de setembro abandonou a sala cando se ía tratar a cuestión, e posteriormente en xaneiro, o BNG volveu esixirlle responsabilidades tras facerse público o informe da Inspección de Traballo. Este informe desmonta a versión do alcalde, que asegurara descoñecer o sucedido, e evidencia que non actuou coa transparencia que a gravidade dos feitos require. A pesar diso, no último pleno mantivo novamente o silencio ante a análise do sucedido.
O Bloque rexistra unha moción para instar a Xunta a declarar ben de interese cultural (BIC) a Fonte de Troncoso, obra do arquitecto porriñés Antonio Palacios. Urxe ademais o desbloqueo da súa rehabilitación.
Dous meses despois de aprobarse no pleno a petición do BNG, convócase por fin a Xunta Local de Seguridade. A situación de inseguridade real que se está a vivir en Torneiros agudizouse desde este verán. Ante a inacción institucional, a veciñanza comezou unha recollida de sinaturas para reclamar solucións efectivas.
O Centro de saúde do Porriño viviu varias xornadas sen persoal médico polas tardes. Esta situación provocou que a oposición, en bloque, lle solicitase ó goberno local a necesidade de esixirlle á Xunta de Galicia máis persoal médico. O goberno de Alejandro Lorenzo bloqueou calquera posibilidade de esixirlle á Xunta de Galicia máis recursos.
O BNG critica que o goberno do PP do Porriño lle abra a porta á iniciativa privada na xestión das escolas infantís. Deste xeito retrocede na xestión educativa da etapa de 0 a 3 anos, pois é unha competencia do goberno galego. O alcalde anunciou que as dúas novas escolas infantís do Porriño non estarán na Rede Galega Galiña Azul, creando un novo servizo público privatizado.
A defensa dun proxecto ambicioso de soterramento da vía do tren para O Porriño debe contar cunha posición conxunta libre de intereses partidistas. Dende a forza nacionalista, consideran o paro na execución do proxecto actual unha oportunidade para impulsar con esta obra o desenvolvemento urbanístico que a vila merece.
No último pleno do ano, o BNG conseguiu o compromiso de que o Concello do Porriño apoie as reivindicacións das familias para a mellora do sistema educativo público galego. As Anpas da Louriña están a organizarse, do mesmo xeito ca o profesorado, para esixir melloras fundamentais nos centros da comarca.
No último ano, na parroquia de Torneiros estase a vivir unha situación de inseguridade real pola venda de drogas e todas as dificultades que trae consigo. As forzas de seguridade locais e estatais xunto co alcalde, son coñecedores deste conflito, pois son numerosas as denuncias feitas pola veciñanza.
A rúa Pérez Leirós, no centro da vila do Porriño, presenta unhas condicións que a converten nun reto para a veciñanza. As beirarrúas son totalmente inadecuadas e o desnivel da vía tan desprorpocionado que os peóns prefiren ir pola vía, co perigo que isto significa.
