No último pleno do Porriño acordouse unha demanda histórica, que é a adhesión da Unidade de Atención a Drogodependencias (UAD) ao Sergas, e a esixencia da creación dunha unidade de Saúde Mental na vila. A Xunta de Galicia, responsable en materia de saúde, debe dotar suficientemente este recurso esencial discriminado dentro da atención sanitaria desde hai décadas.
No último pleno, o BNG esixiulle un compromiso real ó PP na loita contra a desigualdade. Espera que este ano non expulse o movemento social do centro da vila no 25N na xa consagrada manifestación convocada pola Marcha Mundial das Mulleres da Louriña. Tamén lle afea que a Xunta decidira construír o centro para mulleres vítimas de violencia no concello de Santiago de Compostela, quedando fóra a promesa publicitada por Alejandro Lorenzo de facelo no Porriño.
No último pleno evidenciouse que as diferentes deficiencias do servizo do lixo denunciadas, hai meses, nos diferentes plenos están sen resolver. O goberno de Alejandro Lorenzo non é capaz de pórlles solucións nin de actualizar o funcionamento do servizo de acordo coa vixente lexislación europea.
O río Couso, ou río Fonteliño, ao seu paso por Cans, sofre unha grave situación de contaminación reiterada. A causa desta é a actividade agresiva co medio dunha graveira situada no Alto do Confurco. O BNG solicitou no Pleno do Porriño que o goberno do PP de Alejandro denunciase ante os Xulgados e a Confederación Hidrográfica Miño-Sil este ataque sobre o noso patrimonio natural e sobre a parroquia de Cans. O Alcalde e o seu grupo votaron en contra.
Teresa de Jesús era auxiliar do Servizo de Axuda no Fogar do Concello do Porriño e foi asasinada mentres desenvolvía o seu traballo o pasado 29 de xullo en Atios. Tras dous meses de inacción política, o pleno do Porriño por petición da oposición, esixiulle explicacións do sucedido ao alcalde do Porriño, Alejandro Lorenzo, quen priorizou outros asuntos e abandonar o pleno sen escoitar as traballadoras que estaban no público asistente.
Hai dúas semanas, o alcalde do Porriño gabábase nos medios da súa política económica. A realidade contradí esa postura. Dende que dirixe o Concello, gastáronse 12 millóns de euros e O Porriño ten novos préstamos bancarios cun valor de 3 millóns de euros. Como informou o Consello de Contas, houbo un incremento exponencial da débeda e un baleirado do remanente.
Teresa de Jesús foi asasinada o pasado 29 de xullo de 2025, mentres desenvolvía o seu traballo como auxiliar do Servizo de Axuda no Fogar do concello na parroquia de Atios. Este feito evidencia os gravísimos riscos para a integridade persoal aos
que se expoñen as traballadoras do SAF do Porriño.
No inicio do verán, Alejandro Lorenzo iniciou un proceso para modificar os símbolos representativos do concello do Porriño. O BNG cualifica esta decisión como unha nova ocorrencia, pois nin na sociedade porriñesa existe esa necesidade nin tampouco se entende a non valía dos símbolos actuais.
No último pleno, o goberno do PP no Porriño aprobou un incremento de 80.000 euros para pagar as gratificacións da Policía Local ata final de ano. Ao non termos aínda presuposto, o BNG preguntou de onde se vai retirar o gasto para cubrir esta nova partida non programada.
