Dende a chegada do PP á alcaldía, hai dous anos, o gasto só na orquestra América supuxo 60.000 euros para as arcas públicas. Este é un modelo de cultura limitador, custoso e que produce numerosas incomodidades para a veciñanza do centro da vila.
A maioría do PP impide aprobar a moción do BNG que solicitaba acordar unha posición común do Pleno da Corporación Municipal. A forza nacionalista considera necesario ter unha postura única que se coloque en fronte do proxecto pouco ambicioso presentado por ADIF para o soterramento da vía do tren que atravesa o noso concello.
O BNG denuncia que o vehículo comprado polo Concello é un novo gasto superfluo inxustificado, por existiren xa instalacións nas parroquias para poder utilizar, e unha mostra máis da xestión populista do PP do Porriño.
A reforma do Centro de Saúde do Porriño, cun custo final de 5 millóns de euros, presenta deficiencias moi graves tanto en illamento, como en accesibilidade e deseño dos espazos.
A colocación dos contedores do lixo formulada polo goberno de Alejandro Lorenzo é un exemplo da desprotección ó patrimonio porriñés, tamén o incumprimento do acordo para negociar a compra de Villa Florida ou da lexislación sobre memoria histórica.
A rede de transporte no Porriño non conta con prazas suficientes nin para o estudantado de bacharelato das parroquias, que remata o curso sen que se lle dese solución á falta de prazas, nin para as persoas que viaxan a Vigo a primeira hora (da mañá), que non teñen garantido o servizo.
O grupo municipal do Bloque preguntou no Pleno da Corporación Municipal pola situación na que se atopa a liña de subvencións das traídas de augas no Porriño. Estas axudas dependen do goberno que dirixe Alejandro Lorenzo e aínda non se convocaron.
