Ante ás afirmacións de Eva García De La Torre nos medios de comunicación, sobre as negociacións que manteñen abertas o BNG e PSdG para un acordo de goberno, o Bloque Nacionalista Galego reclama de Eva García De La Torre prudencia  sobre o contido e o avance das negociacións.

Unha vez asinado un documento, o pasado día 14 de xuño, sobre propostas programáticas para un acordo de investidura, o BNG, atendendo ao acordado pola súa Asemblea de militantes, abriu un proceso de negociación para un pacto de goberno entre o BNG e PSdG. Nas catro reunións mantidas entre as dúas formacións políticas foise avanzando na configuración dunha nova estrutura de goberno e nun programa de actuacións a levar adiante no mandato 2019 - 2023. Mais as negociacións seguen abertas. Si que avanzamos na delegación de competencias da alcaldía na xunta de Goberno Local e no Pleno e en áreas que asumiría o BNG, mais a día de hoxe aínda non hai un acordo.

O Bloque Nacionalista Galego transmitiulle ao equipo negociador do PSdG que a proposta sobre a cal estamos traballando terá que ser ratificada pola Asemblea Local de militantes do BNG, e esta non terá lugar ate o día tres de xullo.

Mentres non se dean por pechado as negociacións e haxa un acordo de goberno entre o BNG e o PSdG do Porriño, solicitamos de Eva García De La Torre se absteña de calquera manifestación pública sobre os avances das negociacións. No caso contrario daremos por suspendidas as negociacións.

O BNG do Porriño mantén a vontade de que  haxa un pacto de goberno pero este pode darse ou non. Por iso reclamamos cautela Eva García De La Torre e ao PSdG para que non dean por feito un pacto cando aínda non se dan ás condicións para o mesmo.

                                                                                              O Porriño, 28 de xuño de 2019

Asdo.

Consello Local do BNG O Porriño