A veciñanza da vila do Porriño organizou unha campaña de recollida de sinaturas para solicitar unha modificación na distribución dos contedores de lixo. O BNG fíxose eco desta solicitude no pleno do Concello, mais o PP non a atendeu minusvalorando as causas da reclamación veciñal.
O BNG critica que o goberno do PP do Porriño lle abra a porta á iniciativa privada na xestión das escolas infantís. Deste xeito retrocede na xestión educativa da etapa de 0 a 3 anos, pois é unha competencia do goberno galego. O alcalde anunciou que as dúas novas escolas infantís do Porriño non estarán na Rede Galega Galiña Azul, creando un novo servizo público privatizado.
No último pleno, o BNG esixiulle un compromiso real ó PP na loita contra a desigualdade. Espera que este ano non expulse o movemento social do centro da vila no 25N na xa consagrada manifestación convocada pola Marcha Mundial das Mulleres da Louriña. Tamén lle afea que a Xunta decidira construír o centro para mulleres vítimas de violencia no concello de Santiago de Compostela, quedando fóra a promesa publicitada por Alejandro Lorenzo de facelo no Porriño.
No último pleno evidenciouse que as diferentes deficiencias do servizo do lixo denunciadas, hai meses, nos diferentes plenos están sen resolver. O goberno de Alejandro Lorenzo non é capaz de pórlles solucións nin de actualizar o funcionamento do servizo de acordo coa vixente lexislación europea.
O río Couso, ou río Fonteliño, ao seu paso por Cans, sofre unha grave situación de contaminación reiterada. A causa desta é a actividade agresiva co medio dunha graveira situada no Alto do Confurco. O BNG solicitou no Pleno do Porriño que o goberno do PP de Alejandro denunciase ante os Xulgados e a Confederación Hidrográfica Miño-Sil este ataque sobre o noso patrimonio natural e sobre a parroquia de Cans. O Alcalde e o seu grupo votaron en contra.
Teresa de Jesús era auxiliar do Servizo de Axuda no Fogar do Concello do Porriño e foi asasinada mentres desenvolvía o seu traballo o pasado 29 de xullo en Atios. Tras dous meses de inacción política, o pleno do Porriño por petición da oposición, esixiulle explicacións do sucedido ao alcalde do Porriño, Alejandro Lorenzo, quen priorizou outros asuntos e abandonar o pleno sen escoitar as traballadoras que estaban no público asistente.
Hai dúas semanas, o alcalde do Porriño gabábase nos medios da súa política económica. A realidade contradí esa postura. Dende que dirixe o Concello, gastáronse 12 millóns de euros e O Porriño ten novos préstamos bancarios cun valor de 3 millóns de euros. Como informou o Consello de Contas, houbo un incremento exponencial da débeda e un baleirado do remanente.
Teresa de Jesús foi asasinada o pasado 29 de xullo de 2025, mentres desenvolvía o seu traballo como auxiliar do Servizo de Axuda no Fogar do concello na parroquia de Atios. Este feito evidencia os gravísimos riscos para a integridade persoal aos
que se expoñen as traballadoras do SAF do Porriño.
Dende o BNG consideran inxustificada a coincidencia reincidente de contidos entre as publicacións nas redes sociais do Concello e as privadas de Alejandro Lorenzo. Recórdanlle ó alcalde que os servizos municipais de comunicación están para promocionar O Porriño, non a ningunha persoa en particular.
No último pleno, o goberno do PP aprobou un crédito extraordinario de 1.300.000 euros. O BNG denuncia unha política de malgasto e de falta de planificación que vai hipotecar o futuro do Concello do Porriño.
