A veciñanza da vila do Porriño organizou unha campaña de recollida de sinaturas para solicitar unha modificación na distribución dos contedores de lixo. O BNG fíxose eco desta solicitude no pleno do Concello, mais o PP non a atendeu minusvalorando as causas da reclamación veciñal.
O BNG do Porriño conseguiu no último pleno que se acordase denunciar a continua e reiterada contaminación que sofre o río Fonteliño. A denuncia será interposta na Fiscalía de Medio Ambiente do estado. O obxectivo é deter as agresións que sofre este rego poñendo en risco a vida natural e a das persoas.
A Xunta de Galicia abriu un período de alegacións para requirir melloras no servizo de transporte público no noso territorio. Esta é unha oportunidade para que o concello presentase as necesidades que ten O Porriño, como apoio ás solicitudes feitas por outras entidades. O PP de
Alejandro Lorenzo negouse, no pleno, a facelo.
O pasado 6 de maio a comunidade educativa da Louriña volveu dar un toque de atención ao PP, tanto da Xunta como do Goberno municipal.
Este acto de reivindicación e loita uníronse profesorado, estudantado e as familias manifestaronse xuntos polas rúas do Porriño reclamando as necesarias melloras do sistema.
Desde o BNG acompañaremos sempre a súas xustas e léxitimas reivindicacións.
Este pasado inverno algúns pasos da senda do Louro danáronse e quedaron inutilizables ou en malas condicións. O Concello habilitou "temporalmente" uns pasos cun dubidoso criterio de seguridade...
Desde o BNG instamos ao Concello a recuperar os pasos danados desta senda que recorren diariamente tanto as veciñas e veciños do Porriño como tamén as persoas que fan o Camiño de Santiago.
A UAD do Porriño foi transferida á Xunta de Galicia en decembro de 2025, que pasou a asumir o 100% do seu custo. A forza nacionalista solicitou que os fondos propios que ata entón investía o concello no servizo, case 100 000 euros, se blinden para políticas sociais municipais e non sexan desviadas a outras partidas. O goberno local do PP votou en contra desta proposta.
O BNG do Porriño denuncia a xestión económica de Alejandro Lorenzo, caracterizada polo aumento do gasto e da débeda sen melloras na calidade de vida. A formación alerta dun modelo baseado en sobrecustos, contratos a dedo e falta de rigor, que pon en risco a estabilidade do Concello.
O Faro de Budiño é un dos espazos do Concello do Porriño que destaca polo seu valor paisaxístico, xeolóxico e patrimonial. Unha maior protección evitaría posibles perigos de deterioro do espazo e facilitaría unha promoción dun espazo cunha gran singularidade.
O BNG do Porriño solicítalle ó goberno do PP que aproveite a apertura do período de alegacións aberto pola Xunta de Galicia para requirir melloras no servizo de transporte público do noso concello. É especialmente urxente fornecer a Torneiros dun transporte urbano consecuente coa poboación da parroquia. A forza nacionalista faise eco dunha solicitude da veciñanza, especialmente para a comunidade educativa do instituto situado nesta parroquia.
O BNG do Porriño vai organizar este vindeiro 18 de abril unha ruta guiada ao Faro de Budiño. O obxectivo é unha posta en valor deste importantísimo espazo natural e histórico do Val da Louriña
