Novas
O BNG pide colaboración entre Mos e O Porriño para atallar o caos de tráfico en Sanguiñeda
19/dec./2023
A apertura dunha nova área comercial supuxo un incremento das retencións que xa se viñan rexistrando dende hai anos na contorna da rotonda das Angustias.
Os grupos municipais de ambos concellos solicitan un plan de tráfico conxunto e o establecemento de limitacións para futuras áreas industriais e comerciais.
Vídeo
O Auditorio, un novo caso no que o PP vende fume!!
13/dec./2023
Pretende que apoiemos unha obra que non ten proxecto nin financiamento. O Porriño necesita esta infraestrutura, pero non nunha localización inadecuada como a escollida polo PP.
Aprobada por unanimidade a moción do BNG relativa ao transporte escolar
04/nov./2023
Na liña que defende o BNG de favorecer e impulsar o transporte público, vén de aprobarse por unanimidade unha moción do BNG no Pleno do luns 30 de outubro do Concello do Porriño relativa ao transporte escolar.
O BNG pide abrir negociacións para aprobar un regulamento de participación cidadá no Porriño
21/out./2023
O grupo municipal nacionalista rexistra unha moción solicitando que sexa convocada a comisión encargada da súa redacción.
O Bloque defende abrir o proceso máis alá dos grupos políticos para garantir a participación do asociacionismo e da cidadanía en xeral.
O PP contrario a declarar o Louro como Espazo Natural de Interese Local (ENIL)
14/out./2023
O grupo municipal do BNG do Porriño, no último pleno, volveu solicitar unha medida de protección real para o Louro. Requiriu que o Concello impulse declarar como Espazo Natural de Interese Local (ENIL) os ecosistemas do Louro ao seu paso polo Porriño.
Esta é a segunda vez que o BNG fai esta solicitude. No mes de maio de 2022, ante a iniciativa presentada polo Bloque, O PP votou a favor e, nese momento, foi aprobada por unanimidade.
Agora que pasou a campaña electoral e tamén que se rebaixou a tensión social xurdida na loita contra o megaproxecto para aparcadoiro de camións en Torneiros, o PP vota en contra.
O BNG denuncia que detrás deste cambio de postura está algo máis ca un desleixo na protección do noso río. Existe a intención de continuar organizando na súa contorna macroeventos opostos a un uso respectuoso co medio. O río e as súas beiras poden e deben ser un espazo para a cidadanía do Porriño, pero as actividades humanas deben ser harmoniosas co coidado do espazo.
O BNG pide abrir negociacións para aprobar o Regulamento de Participación Cidadá no Porriño
26/set./2023
O grupo municipal nacionalista rexistra unha moción solicitando que sexa convocada a comisión encargada da súa redacción.
O Bloque pide abrir o proceso máis alá dos grupos políticos para garantir a participación do asociacionismo e da cidadanía en xeral.
